Boxam Elite-2025. Қазақстандық боксшылар үшін төртінші күннің қорытындысы
Испанияның Ла-Нусия қаласында халықаралық Boxam Elite-2025 турнирі жалғасуда. Бұл жарыс алдағы ірі жарыстарға дайындықтың маңызды кезеңдерінің бірі болып саналады. Турнир жыл сайын Еуропа, Азия және Латын Америкасының мықты боксшыларын жинайды, сондықтан оның деңгейі өте жоғары.
7 ақпанда рингке бес қазақстандық боксшысы шықты. Үшеуі жартылай финалда, ал екі спортшы қыз финалда жекпе-жек өткізді.
71 кг салмақта жартылай финалға Елнұр Сүйінбай мен Дархан Дүйсебай шықты. Сүйінбай, екі дүркін Азия чемпионы және жасөспірімдер арасындағы әлем чемпионатының финалисі, күтпеген жерден ағылшын Патрик Хьюитке 1:4 есебімен жол берді. Ал Дархан Дүйсебай испандық Бернардо Франко Мартинесті 3:2 есебімен жеңіп, финалға шықты.
80 кг салмақта Даулет Төлемісов финалға өте алмады. Ол испандық Пабло Кой Бернальға 2:3 есебімен есе жіберді. Дегенмен, жекпе-жек тартысты өтті, ал Даулет лайықты өнер көрсетті.
Әйелдер арасында Роксана Гасымова (48 кг) және Бақыт Сейдиш (70 кг) финалда жұдырықтасты. Гасымова словак боксшысы Николь Дуриковамен кездесіп, 2:3 есебімен жеңіліп, күміс жүлдегер атанды. Бақыт Сейдиш финалда украиналық Анастасия Черноколенкоға қарсы шығып, 0:5 есебімен ұтылды.
Қазақ боксшылары үшін бұл турнир құнды тәжірибе болды. Дархан Дүйсебайдың финалға шығуы жүлде алуға мүмкіндік берсе, қалған спортшылар да мықты қарсыластармен күш сынасып, өз шеберліктерін сынады.
Қазақ боксшылары Белград жеңімпазы турнирінде сәтті өнер көрсетуде