Қазақ боксшылары Белград жеңімпазы турнирінде сәтті өнер көрсетуде
Сербияда Belgrade Winner халықаралық турнирі өтіп жатыр. Бұл – Еуропадағы ең көне бокс турнирлерінің бірі. Жарыс IBA (Халықаралық бокс қауымдастығы) аясында ұйымдастырылып, алдағы халықаралық сайыстарға дайындық кезеңдерінің бірі болып саналады.
7 ақпанда рингке шыққан бес қазақ боксшысы да жеңіске жетті:
Рамазан Нұрлыбаев (51 кг) сербиялық Гаси Северджанды жеңді. Қарсыласы үшінші раундта жекпе-жекті жалғастырудан бас тартты.
Нұрсұлтан Алтынбек (57 кг) Қырғызстандық Тұрғынбек Иманқадыровтан басым түсіп, 5:0 есебімен жеңіске жетті.
Нұрбек Мұрсал (71 кг) қырғызстандық Сырғақ Абдыжапар уулун 4:1 есебімен жеңді.
Бақберген Алиасқаров (75 кг) словениялық Илья Лищукты 5:0 есебімен сенімді жеңді.
Санжаралы Бегалиев (75 кг) аустриялық Малик Кангариевті 5:0 есебімен ұтты.
Турнир 10 ақпанға дейін жалғасады. Өткен жылы жарысқа 16 елден 128 боксшы қатысқан. Турнирдің ең үздік боксшысы атағын черногориялық Томислав Джинович иеленді.