Қазақстан құрамасының капитаны Айбек Оралбай Странджа кубогында айқын жеңіске жетті
Қазақстан ұлттық құрамасының капитаны, Айбек Оралбай Болгарияның София қаласында өтіп жатқан беделді Странджа-2025 кубогының ширек финалына сенімді түрде жолдама алды. 92 кг-нан жоғары салмақтағы 1/8 финалдық жекпе-жекте ол өзінің жоғары деңгейін көрсетіп, пәкістандық Тахир Абдул Вахабты бірінші раундта-ақ нокаутпен жеңді.
Айбек Оралбай – 2022 және 2024 жылдардағы Азия чемпионы. Алайда Париж-2024 Олимпиадасында ширек финалға дейін жетіп, әзербайжандық Лорен Альфонсо Домингеске жол берді.
Бұл турнирде Айбектің егіз бауыры Нұрбек Оралбай да ерекше көзге түсті. 86 кг дейінгі салмақта сынға түскен ол болгариялық қарсыласы Мануэль Жечевті оның өз жанкүйерлері алдында нокаутпен жеңді.
Қазақстандық боксшылар Странджа кубогында сенімді өнер көрсетіп, жоғары деңгейде дайындалғандарын және жеңіске деген ұмтылысын дәлелдеуде.
Сондай-ақ оқыңыз: Қазақстандық боксшы Нұрбек Оралбай Болгарияда өткен кіші әлем чемпионатында сенімді жеңіске жетті