Ангелина Лукас Таразда өткен реваншта Асенхоны мерзімінен бұрын жеңіп, IBO әлем чемпионы атағын қорғады
Бокс
Арсен Алиев
Редактор
ФОТО: Getty Images
Казақстандық боксшы Ангелина Лукас (15 жеңіс, 1 жеңіліс, 7 нокаут) екінші жеңіл салмақта IBO нұсқасы бойынша әлем чемпионы атағын сәтті қорғады.
Жекпе-жек Тараз қаласында өткен кәсіпқой бокс кеші аясында өтті.
Лукас бұл жолы чилилік қарсыласы Даниэла Асенхомен (17-4-3, 2 KO) қайта қолғап түйістірді. Бұған дейін екеуі бір-бірімен кездескен, ал бұл жекпе-жек қос спортшы үшін реванш болды.
Бастапқыда жекпе-жек 2 минуттан 10 раундқа жоспарланған еді, бірақ жетінші раундтың алдында Асенхо шаршы алаңға шығудан бас тартты. Осылайша, Ангелина Лукас мерзімінен бұрын жеңіске жетіп, кәсіпқой мансабындағы 15-ші жеңісіне қол жеткізді.
Бұл жеңісі арқылы Лукас әлем чемпионы белбеуін сақтап қалды және халықаралық аренадағы беделін нығайтты.