Қазақстан құрамасы Азия Кубогының іріктеуін Ираннан жеңіліспен аяқтады
Қазақстанның баскетбол құрамасы Азия Кубогы-2025 іріктеу кезеңінде Иранмен кездесіп, 45:88 есебімен ауыр жеңіліске ұшырады.
Ойында ең нәтижелі ойыншы Мохаммадсина Вахеди болды – ол 20 ұпай, 4 рет допты тартып алу және 4 нәтижелі пас тіркеді. Қазақстан құрамасы сапында ең көп ұпай жинаған Олег Балашов, оның еншісінде 12 ұпай, 3 рет допты тартып алу және 4 пас бар.
Бұл жеңілістен кейін Қазақстан құрамасы Е тобында төртінші орын алып, финалдық кезеңге шығу мүмкіндігінен айырылды. Бірінші орынды Иран, екінші орынды Катар иеленіп, тікелей Азия Кубогының финалына жолдама алды. Үшінші орынға жайғасқан Үндістан құрамасы қосымша іріктеу кезеңіне қатысу құқығын жеңіп алды.
Азия Кубогының финалдық кезеңі 2025 жылы Сауд Арабиясында өтеді.
Ресей Олимпиада-2028-ге толық құрамда қатысуды жоспарлап отыр