Ресей Олимпиада-2028-ге толық құрамда қатысуды жоспарлап отыр
Ресей Федерациясының спорт министрі және Ресей Олимпиада комитетінің (ОКР) басшысы Михаил Дегтярев ресейлік спортшылардың 2028 жылы Лос-Анджелесте өтетін Жазғы Олимпиада ойындарына толық құрамда қатысатынын мәлімдеді. Бұл туралы "Матч ТВ" хабарлады.
Оның айтуынша, қазіргі уақытта спортшыларды жарыстарға, соның ішінде қысқы спорт түрлеріне қатыстыру бойынша белсенді жұмыс жүргізілуде.
- "Қазіргі басты мәселе – спортшыларымыздың Олимпиада-2026-ға қатысуы. Фигуристер мен конькишілер үшін белгілі бір жеңілдіктер жасалды. Біз шаңғы спорты мен биатлон бойынша келіссөздерді әрі бейресми, әрі ресми түрде жалғастырудамыз. Біздің биатлоншылар мен шаңғышыларсыз әлемдік спорт тартымдылығын жоғалтады. Жақында Беларусьте тамаша Күштілер Кубогы өтті.
Қысқы спорт түрлеріндегі шектеулер біртіндеп жеңілдетілуде. Сонымен қатар, біз Олимпиада-2028-ге дайындықты толық қарқынмен жүргізіп жатырмыз. Барлығы ойдағыдай өтеді деп сенемін – Ресей құрамасы толық құрамда, мемлекеттік ту мен әнұранмен өнер көрсетеді", – деп атап өтті Дегтярев "Громко" бағдарламасында.
Еске салайық, 2022 жылы Халықаралық Олимпиада комитеті (МОК) Украинадағы оқиғаларға байланысты Ресей мен Беларусь спортшыларын халықаралық жарыстарға қатыстырмау туралы ұсыныс жасаған болатын.