Зарина Дияс ширек финалда: алда – чехиялық теннисші
Қазақстандық теннисші Ямагутиден басым түсіп, Португалиядағы турнирде жеңісті жолын жалғастыруда
Теннис
Арсен Алиев
Редактор
ФОТО: zarinadiyas инстаграм парақшасынан
WTA рейтингінде 246-орында тұрған қазақстандық теннисші Зарина Дияс Португалияның Сейшале қаласында өтіп жатқан халықаралық ITF турнирінде сәтті өнер көрсетуде.
1/8 финалдық кезеңде Зарина Жапония өкілі Мэи Ямагутимен (WTA №275) кездесіп, үш сетке созылған тартысты матчта жеңіске жетті - 4:6, 6:3, 6:1. Қарсыласу 2 сағат 9 минутқа созылып, спортшының төзімділігін сынады.
Португалия. W50, Corroios-Seixal, ITF, әйелдер
Дияс – Ямагути - 4:6, 6:3, 6:1
Енді ширек финалда Дияс WTA рейтингінде 217-орында тұрған чехиялық теннисші Габриэла Кнутсонмен кортқа шығады.
Айта кетейік, бұл турнир ITF сериясына кіреді және жалпы жүлде қоры 40 мың еуроны құрайды.