Юлия Путинцева WTA рейтингінде үздік 20-дан шығып қалды
Теннис
Наурызбай Қанатұлы
Фото: gettyimages
Қазақстандық теннисші Юлия Путинцева әйелдер теннис қауымдастығының (WTA) рейтингінде 20-шы орыннан 23-ші орынға түсті.
30 жастағы спортшы өткен аптада Доха мен Дубайда өткен турнирлерде өнер көрсетті.
Катарда Путинцева бірінші айналымда жапондық Моюка Утижиманы жеңді (6:2, 6:7 (5:7), 6:3), екінші айналымда чехиялық Линда Носковаға жол берді (2:6, 3:6).
БАӘ-де қазақстандық бірінші айналымда тағы да Носковадан жеңіліп қалды (2:6, 6:7 (5:7).
Путинцева соңғы бес матчтың төртеуінде жеңіліп, Абу-Дабиде өткен турнирде және Австралия ашық чемпионатының үшінші айналымынан кері қайтты.
Бүгін Юлия Путинцева Носковамен бірге Дубайдағы турнирден жұптық сын бойынша алғашқы кездесуін өткізді.