Юлия Путинцева Брисбенде өтіп жатқан WTA 500 турнирінің келесі кезеңіне сенімді түрде өтті
Қазақстандық теннисші, әлемнің 29-ракеткасы Юлия Путинцева Аустралияның Брисбен қаласында өтіп жатқан WTA 500 санатындағы турнирдің екінші айналымында өнер көрсетті. Оның қарсыласы АҚШ өкілі, әлемдік рейтингтің 67-ракеткасы Маккартни Кесслер болды.
Юлия матчты екі сетте 6:2, 7:5 есебімен сенімді түрде аяқтап, жеңіске жетті.
Кездесу 1 сағат 42 минутқа созылды. Путинцева ойын барысында үш эйс жасап, екі қос қате жіберді және тоғыз мүмкіндіктің үшеуінде брейк-пойнтты сәтті жүзеге асырды.
Ал Кесслер бірде-бір эйс жасай алмады, бір қос қате жіберді және екі брейк-пойнт мүмкіндігінен бірде-бірін жүзеге асыра алмады.
WTA 500 санатындағы хард турнирі Брисбенде 2024 жылдың 29 желтоқсанынан 2025 жылдың 5 қаңтарына дейін өтеді.
Келесі кезеңде Юлия Путинцева Арина Соболенко мен Рената Сарасуаның арасындағы матчтың жеңімпазымен кездеседі.