US Open жеңімпазы қазақстандық теннисші Қытайдағы супертурнирдің 1/8 финалына шықты
Қазақстанның үздік жұптық теннисшісі Анна Данилина Қытайдағы беделді WTA 1000 турнирін сенімді жеңіспен бастады. Сербиялық Александра Круничпен бірге өнер көрсеткен қазақстандық спортшы алғашқы айналымда америкалық дуэт - София Кенин мен Дезире Кравчикке қарсы ойнады.
Алғашқы сетте Данилина мен Крунич жинақы қимылдап, шешуші брейкті жүзеге асырды - 6:4. Екінші партияда тартыс шиеленісіп, жанкүйерлерді біраз толқытқанымен, Анна мен оның сербиялық серіктесі сенімділік танытып, кездесуді жеңіспен аяқтады - 7:5.
WTA 1000, Ухань. 1-ші айналым (жұптық санат)
Анна Данилина (Қазақстан) / Александра Крунич (Сербия, №8) - София Кенин (АҚШ) / Дезире Кравчик (АҚШ) — 6:4, 7:5
Айта кетейік, Анна Данилина қазіргі таңда WTA жұптық рейтингінде 12-орында тұр. Бұл көрсеткіш оған Қазақстандағы ең мықты жұптық теннисші мәртебесін сақтауға мүмкіндік беріп отыр.