Тоқаев Рыбакинаны US Open-2026 турниріндегі жеңісімен құттықтады
Қазақстан Президенті Қасым-Жомарт Тоқаев Елена Рыбакинаны US Open-2026 турниріндегі жеңісімен құттықтады. Мемлекет басшысы қазақстандық теннисшінің тарихи жетістігін және әлемдік рейтингтің бірінші сатысына көтерілуін ерекше атап өтті, деп хабарлайды Sports24.kz Ақорданың баспасөз қызметіне сілтеме жасап.
Құттықтауында Тоқаев Рыбакинаның кәсіби шеберлігіне және бұл жеңістің Қазақстан спорты үшін маңызына тоқталды.
«Бұл ғаламат жетістік – Сіздің әлемнің бірінші ракеткасы атануға әбден лайық екеніңізді айқын дәлелдейді. Сіз тағы да нағыз кәсібилік, табандылық пен корттағы мінсіз мәдениетті көрсеттіңіз. Бүкіл Қазақстан Сіздің жетістіктеріңізді мақтан тұтады! Бұл жарқын жеңіс алдағы жаңа спорттық табыстарға серпін беріп, шеберлігіңіз еліміздің жас теннисшілеріне үлгі болсын», – делінген Тоқаевтың құттықтауында.
Рыбакина US Open титулын карьерасында алғаш рет жеңіп алды. Финалда ол Арина Соболенконы үш сетте – 6:4, 5:7, 6:2 есебімен жеңді.
Нью-Йорктегі бұл жүлде Еленаның «Үлкен дулыға» турнирлеріндегі үшінші титулы болды. Бұған дейін Қазақстан өкілі Уимблдон-2022 және Australian Open-2026 турнирлерінде топ жарды.
