Тағы да финалға жете алмады. Елена Рыбакина 17 жастағы теннисшіден жеңілді
Теннис
Наурызбай Қанатұлы
Фото: gettyimages
Бүгін Дубайдағы WTA-1000 турнирінің жартылай финалдық матчтары өтіп жатыр.
Алғаш болып кортқа қазақстандық теннисші Елена Рыбакина мен ресейлік Мирра Андреева шықты. Рыбакина әлемдік рейтингте 7-ші позицияда болса, Андреева 14-шы орында.
Бірінші сетте ресейлік теннисші сенімді өнер көрсетіп 4:6 есебімен жеңіп алды. Ал екінші сетте Елена 6:4 есебімен жеңіп, есепті теңестіре алды. Үшінші сетте Андреева сенімді ойнап, турнирдің финалына жолдама алды.
Айта кетейік, кездесу 2 сағат 16 минутқа созылды.
WTA-1000 Dubai, 1/2 финал
Елена Рыбакина – Мирра Андреева – 1:2 (4:6, 6:4, 3:6)
Ресейлік теннисшінің келесі қарсыласы К. Таусон (Дания, WTA #38) мен К. Мухова (Чехия #17) жұбының жеңімпазы болады.