Сәтсіздік. Жукаев Франциядағы турнирдің алғашқы айналымында аутсайдерге жол берді
Қазақстандық теннисші Бейбіт Жукаев (АТР №213) хард жабындысында өтетін француздық Шербурдегі АТР челленджер турнирін сәтсіз бастады.
Жукаев жарыстың 1-айналымында 8-нөмірлі ретінде кортқа шығып, рейтингте 568-орында тұрған француз Мей Малижбен кездесті. Ол 1 сағат 56 минутқа созылған үш сеттік тартысты матчта сенсациялық жеңіліске ұшырады.
АТР челленджер Шербур. Хард (жабық ғимарат). 1/16 финал
Бейбіт Жукаев (Қазақстан, 8) – Мей Малиж (Франция, WC) – 3:6, 6:2, 4:6
Шешуші үшінші сетте Жукаев өз геймін беріп қойды (3-гейм), содан кейін ойынға қайта орала алмады. 6-геймде оның екі брейк-пойнты болғанымен, ешқайсысын пайдалана алмады.
Айта кетейік, бұған дейін Дмитрий Попко Чилидегі челленджер турнирінде жұптық сында жарысты аяқтағаны хабарланған болатын.