Видео. Синнер Легечкаға еш мүмкіндік бермей, Майамиде «күнді дубльді» рәсімдеді
29 бен 30 наурыз аралығындағы түнде АҚШ-тың Майами қаласындағы хард кортта «Мастерс» сериясының финалдық матчы өтті. Онда әлемнің екінші ракеткасы Янник Синнер ATP рейтингінде 22-орында тұрған чехиялық теннисші Иржи Легечкамен кездескен болатын.
Италиялық теннисші фаворит мәртебесін толық ақтап, екі сетте - 6:4, 6:4 есебімен айқын жеңіске жетті. Ойын 1 сағат 34 минутқа созылды, бірақ жаңбырдан болған үзілісті ескерсек, жалпы ұзақтығы үш сағаттан асты.
АҚШ. Майами. ATP. Хард. Финал
Синнер – Легечка – 6:4, 6:4
Бұл жетістік Синнерге маусымда бірден екі беделді турнир – Индиан-Уэллс пен Майамиді қатар жеңіп, атақты «күнді дубльге» қол жеткізуге мүмкіндік берді. Осылайша, италиялық спортшы кәсіби мансабындағы 26-шы титулына ие болды.
Әйелдер сайысында да бірінші ракетка Арина Соболенко жеңімпаз атанды. Финалда ол америкалық Кори Гауффты үш сетте – 6:2, 4:6, 6:3 есебімен тізе бүктірді.
Осылайша, Соболенко да Синнер сияқты, «күнді дубльді» рәсімдеді. Белорусь теннисшісі бұған дейін Индиан-Уэллстегі турнирді ұтып, финалда Қазақстан өкілі Елена Рыбакинаны жеңген еді.