Шевченко Братиславадағы «Челленджер» турнирін сенімді жеңіспен бастады
Теннис
Аружан Темірбек
Редактор
ФОТО: KTF
Қазақстандық теннисші Александр Шевченко Словакия астанасы Братиславада өтіп жатқан беделді ATP Challenger турнирінде жарысты сәтті бастады.
Турнирдің алғашқы айналымында Шевченко Германия өкілі Кристоф Негритуды айқын басымдықпен жеңіп, матчты небәрі 1 сағат 8 минутта аяқтады.
ATP Challenger Братислава. Хард. 1-айналым
Александр Шевченко (Қазақстан) - Кристоф Негрита (Германия) — 6:4, 6:1
Келесі кезеңде қазақстандық теннисші Ұлыбританиялық Ян Чоински мен словак Йозеф Ковалик арасындағы кездесудің жеңімпазымен кортқа шығады.
Бұған дейін, 37 жастағы Михаил Кукушкин Ұлыбританиядағы «Челленджер» турнирінде өнер көрсетіп, жарысты 1/16 финалда аяқтады. Ол 22 жастағы жергілікті спортшы Джек Пиннингтон-Джонсқа есе жіберді.