Рыбакина Вашингтон турнирінде өнер көрсетеді: Қазақстандық жұлдыз WTA-500 додасына қатысады
Әлемнің 11-ракеткасы, Қазақстан өкілі Елена Рыбакина Вашингтонда (АҚШ) өтетін WTA-500 санатындағы хард турниріне қатысатын теннисшілер қатарына енді.
Жарыс 19–27 шілде аралығында өтеді.
Рыбакина бұл турнирде төртінші нөмірлі теннисші ретінде тіркеледі. Бірінші нөмірлі етіп әлемнің үшінші ракеткасы - америкалық Джессика Пегула тіркелсе, екінші болып өткен жылғы чемпион - Испаниядан келген Паула Бадоса (WTA рейтингінде 9-орын) көрсетілген. Үшінші нөмірді америкалық Эмма Наварро алады (әлемдік рейтингте 10-орын).
АҚШ астанасында өтетін турнирдің жүлде қоры шамамен 1,3 миллион АҚШ долларын құрайды. Айта кетейік, 2024 жылғы финалда Паула Бадоса чехиялық теннисші Мария Боузкованы 6:1, 4:6, 6:4 есебімен жеңіп, чемпион атанған еді.
Сондай-ақ Анна Данилина Истбурн турнирінің жартылай финалына сенімді түрде шықты