Елена Рыбакина жеңісінен кейін титулды қорғауға байланысты сұраққа жауап берді
Әлемнің жетінші ракеткасы қазақстандық теннисші Елена Рыбакина Индиан-Уэллстегі (АҚШ) WTA-1000 турнирінің үшінші айналымына шыққаннан кейін өзінің 2023 жылғы титулын қорғау туралы сұраққа жауап берді
— Сіз 2023 жылғы атағыңызды қорғап жатқандай сезінесіз бе?
— Мен мұнда болғаныма қуаныштымын. Өткен жылды өткізіп жібергенім өкінішті болды. Мұнда болғаныма өте қуаныштымын және бақыттымын. Маған келіп, қолдау көрсеткендердің барлығына рахмет, - деді Рыбакина корттағы сұхбатында.
Естеріңізге сала кетейік, Елена Рыбакина Индиан-Уэллс-2023 жеңімпазы атанды. 2024 жылы теннисші денсаулығына байланысты жарыстан бас тартты.
Осы маусымда Рыбакина екінші айналымда Нидерланды өкілі Сюзан Ламенсті 6:3, 6:3 есебімен жеңді. Әрі қарай Елена Ирина Бегу (Румыния) — Кэти Бултер (Ұлыбритания) матчының жеңімпазымен кездеседі.