Денис Евсеев Прагада өтіп жатқан «Челленджер» турнирін жеңіспен бастады
Қазақстандық теннисші Денис Евсеев Чехия астанасы Прагада өтіп жатқан ATP Challenger сериясы турнирінің іріктеу кезеңін сәтті бастады. Жартылай финалдық матчта ол жергілікті спортшы Якуб Филипті 2:0 есебімен жеңіп, келесі кезеңге жолдама алды. Кездесу 1 сағат 12 минутқа созылды.
ATP Challenger Прага. Топырақ. Іріктеу. Жартылай финал
Денис Евсеев (Қазақстан) — Якуб Филип (Чехия) — 6:3, 7:5
Финалдық кезеңде Евсеев Испаниялық Даниэль Ринкон мен хорватиялық Матей Додиг жұбының жеңімпазымен кездеседі. Негізгі жеребеге шығу жолдамасы үшін матч 6 мамыр күні өтеді.
Прагадағы турнирдің жүлде қоры 91 250 еуроны құрайды.
Бұған дейін Евсеев Португалияның Эшторил қаласында өткен турнирге қатысып, 1/8 финалда әлемнің 47-ракеткасы, сербиялық Миомир Кецмановичке үш сетте жол берген болатын.