Бублик пен Коккинакис Санкт-Петербургте серуендеуді жоспарлап отыр
Аустралиялық теннисші, әлемнің 77-ракеткасы Танаси Коккинакис Санкт-Петербургте өтіп жатқан “Солтүстік Пальмира Трофейлері” турнирі аяқталған соң қазақстандық Александр Бубликпен уақыт өткізуді жоспарлап отырғанын айтты.
— Танаси, Санкт-Петербургте қыдырып үлгердіңіз бе? Александр Бублик сізге жергілікті жерлерді көрсетемін деп айтқан еді ғой?
“Әзірге ол ештеңе ұсынған жоқ, бірақ Саша “бір жерге барсаң, мен сенімен бірге боламын” деді. Бүгін немесе турнир аяқталған соң қайда баратынымызды көреміз. Қазірше тек қонақүйдің айналасында жүріп өттім. Қатты суық, бірден тұмауым басталып кетеді. Бірақ білетін адамдармен бірге барсам, өте қызықты болатынына сенемін”, – деді Коккинакис “Чемпионат” тілшісіне берген сұхбатында.
1 желтоқсан күні Коккинакис пен Бублик “Сфинкстар” командасының сапында “Солтүстік Пальмира Трофейлері” турнирін аяқтады. Жеңісті 114:107 есебімен “Арыстандар” командасы иеленді.
Футбол
Бүгін 09:47
Басқа спорт түрлері
Бүгін 05:25