Анна Данилина Истбурндегі жұптық WTA турнирінің финалына шықты
Қазақстандық теннисші Анна Данилина чехиялық әріптесі Мария Боузковамен бірге Ұлыбританияның Истбурн қаласында өтіп жатқан WTA-250 санатындағы турнирдің финалына жолдама алды.
Жартылай финалда олар жергілікті теннисшілер – Харриет Дарт пен Майя Ламсденге қарсы өте тартысты кездесу өткізді. Бірінші сетте 2:6 есебімен жеңілгенімен, Данилина мен Боузкова келесі партияда 7:5 есебімен басым түсіп, шешуші тай-брейкте 11:9 есебімен матчты өз пайдасына аяқтады.
Ойын 1 сағат 37 минутқа созылып, шынайы төзімділік пен мінезді қажет етті.
Ұлыбритания, Истбурн. WTA турнирі. Жұптық разряд – жартылай финал
Боузкова/Данилина – Дарт/Ламсден – 2:6, 7:5, 11:9
Финалда олар чемпиондық атақ үшін келесі жартылай финалдың жеңімпаздарымен кездеседі. Бұл жұптар – мексикалық Джулиана Олмос пен Рената Сарасуа немесе Се Шувэй (Қытайлық Тайбэй) / Майя Джойнт (Жаңа Зеландия) дуэті.
Истбурн турнирінен кейін Анна Данилина Уимблдон-2025 турнирінде өнер көрсетеді. Ол 30 маусымнан бастап жұптық сында ойынын бастайды.
Ширек финалда Данилина мен Боузкова жергілікті фавориттер - Сонайя Картал мен Джоди Беррейджтен басым түсті.