Алькарас US Open ширек финалында бес сетке созылған матчтан кейін сенсациялық түрде жеңілді
Әлемнің тоғызыншы ракеткасы Бен Шелтон ATP рейтингінде үшінші орында тұрған Карлос Алькарасты АҚШ ашық чемпионатының ширек финалында жеңді, деп хабарлайды Sports24.kz.
Бұл кездесу US Open тарихындағы ең кеш аяқталған матч болды. Ойын Нью-Йорк уақытымен түнгі сағат 3:30 шамасында аяқталды.
Матч 4 сағат 31 минутқа созылып, бес сетте аяқталды. Шешуші партияда Шелтон мен Алькарас чемпиондық тай-брейкке дейін жетіп, америкалық теннисші 10:7 есебімен жеңіске жетті.
Қорытынды есеп — 6:7, 6:1, 6:2, 1:6, 7:6.
Шелтон үшін бұл жеңіс әлемдік рейтингтің үздік үштігіне кіретін қарсыласты алғаш рет жеңуімен ерекшеленді. US Open жартылай финалында америкалық өз отандасы Фрэнсис Тьяфумен кездеседі.
Алькарас — US Open-нің қазіргі чемпионы. Сонымен қатар биылғы турнир испаниялық теннисші үшін жарақатына байланысты бірнеше ай бойы жарыстардан тыс қалғаннан кейінгі алғашқы «Үлкен дулыға» турнирі болды.
Ал бүгін Қазақстанның бірінші ракеткасы Елена Рыбакина ширек финалдағы матчын өткізеді. Оның қарсыласы — қытайлық Чжэн Циньвэнь. Рыбакина жеңіске жеткен жағдайда, мансабында алғаш рет WTA әлемдік рейтингін басқарады.
