Жоламан Биғабыл каратэден Азия чемпионатында Қазақстанға алғашқы алтын медальді алып берді
Қазақ спортшысы финалда өзбек қарсыласын жеңіп, 55 келіге дейінгі салмақта топ жарды
Басқа спорт түрлері
Әлім Динасылов
Редактор
ФОТО: Спортты дамыту дирекциясы
Қазақстандық каратэші Жоламан Биғабыл Ташкентте өтіп жатқан каратэден Азия чемпионаты-2025 жарысында алтын медаль жеңіп алды, деп хабарлайды Спортты дамыту дирекциясының баспасөз қызметі.
Финалда Жоламан Биғабыл 55 келіге дейінгі салмақта кумитэ санатында өзбекстандық Собитхон Косимовты жеңіп шықты. Бұл Қазақстан құрамасының турнирдегі алғашқы «алтыны» болды.
Алдағы уақытта үш қазақстандық спортшы жекелей сында өнер көрсетеді, сондай-ақ қыздар құрамасы командалық финалда бақ сынайды.