Кілемдегі нокаут: қазақстандық балуан әлем біріншілігін таңғалдырды
Қазақстандық жас балуан Едіге Қасымбек Иранның фаворитін жеңіп, еркін күрестен жастар арасындағы әлем чемпионатында (U-20) алтын медаль иеленді.
Болгарияның Самоков қаласында өтіп жатқан жастар арасындағы әлем чемпионатында еркін күрес шебері Едіге Қасымбек жарқын өнер көрсетті.
125 келіге дейінгі салмақ дәрежесінің финалында Қасымбек турнир фавориттерінің бірі саналатын ирандық балуан Аболфазл Мохаммад Нежадпен белдесіп, сенсациялық жеңіске жетті. Қорытынды есеп – 4:1, бұл нәтиже қазақстандық спортшыға алтын медаль сыйлады.
Финалға дейін Қасымбек өз мықтылығын толық дәлелдеді: ол моңғол балуаны Нарантулга Дармаабазарды (15:12) айқын жеңіп, одан кейін оңтүстіккореялық Ба Джун Жанды «құрғақ есеппен» ұтты (6:0), ал АҚШ өкілі Коул Санто Мирасоланы сенімді түрде тізе бүктірді (11:0).
Сондай-ақ Самир Дурсунов 80 секундта барлығын шешті.