Ешкім шыдамады. Қайпанов екі қарсыласын талқандап, жартылай финалға шықты
Нұрқожа Қайпанов Исламиаданың жартылай финалына жолдама алды
Басқа спорт түрлері
Аружан Темірбек
Редактор
ФОТО: erkinkures
Еркін күрестен Қазақстан құрамасының көшбасшыларының бірі Нұрқожа Қайпанов Эр-Риядтағы Исламиадада сенімді өнер көрсетіп, 74 келі салмақта жартылай финалға шықты. Біздің балуан екі белдесу өткізіп, екеуін де айқын басымдықпен аяқтады.
Алғашқы белдесуінде Қайпанов өзбек балуаны Жафар Чулибоевты 11:0 есебімен жеребіне қаратса, келесі айналымда Камерун өкілі Монти Жак Седрикті одан да тез тоқтатты. Нұрқожа техникалық басымдықпен - 10:0 жеңіске жетіп, қарсыласына мүлде мүмкіндік берген жоқ.
Енді қазақстандық балуан жартылай финалда кілемге шығып, финалға жолдама мен Ислам ынтымағы ойындарының алтыны үшін күреседі.
Айта кетейік, бұған дейін әйелдер күресінде ел қоржынына медальді Зейнеп Баянова салған болатын.