Азия ойындары 2025: Қазақстандық керлингшілер маңызды жеңіске қол жеткізді
Басқа спорт түрлері
Асылхан Тоқсанбек
Редактор
ФОТО: Instagram
Қазақстан әйелдер құрамасы Филиппинді жеңді.
Бүгін Харбиндегі қысқы Азия ойындарында Қазақстан әйелдер құрамасы кёрлингтен кезекті кездесуін өткізді.
Филиппин құрамасымен өткен тартысты ойында қазақстандық спортшылар 5:4 есебімен жеңіске жетті. Команда сапында Тылсымай Аллиярова, Мерей Тастемір, Ангелина Эбауер, Екатерина Колыхалова (Регина Эбауер*) өнер көрсетті.
Бұған дейін команда Бейжің Олимпиадасының күміс жүлдегері Жапонияға жол беріп, Тайбэйді сенімді түрде ұтқан болатын. Сондай-ақ, Қытай құрамасының деңгейін мойындады.
Бүгін қазақстандық спортшылар Катарға қарсы ойнайды. Жартылай финалға өтетін құрамалар ертеңгі екі кездесуден кейін анықталады.