Қазақстандық шорт-трекшілер Миланда өткен әлем кубогында қола жүлде иеленді
Басқа спорт түрлері
Люба Рябинина
ФОТО: Olympic.kz
Қазақстанның ерлер құрамасы Милан (Италия) қаласында өткен шорт-тректен әлем кубогы кезеңінде қола медаль жеңіп алды.
Команда сапында Денис Никиша, Мерсаид Жақсыбаев, Глеб Ивченко және Әділ Ғалиахметов өнер көрсетті. Қазақстандықтар жарысты 6:46.068 уақыт көрсеткішімен аяқтап, төртінші орын алған Қытай құрамасын (6:55.182) артта қалдырды.
Бұл кезеңнің жеңімпазы Италия құрамасы атанды – олар қашықтықты 6:42.822 уақытта еңсерді. Күміс жүлде 6:42.878 көрсеткішімен Канада командасына бұйырды. Айта кетерлігі, канадалықтар италиялықтардан небәрі 0.056 секундқа қалып қойды.