Қазақстандық балуан Ержет Жарлықасын әлемдік рейтингінде көш бастады

Басқа спорт түрлері 07 қара 2024 02:31

Аружан Темірбек

Редактор

Қазақстандық грек-рим шебері Ержет Жарлықасын Біріккен күрес әлемінің (UWW) жаңартылған әлемдік рейтингінде бірінші орынға көтерілді.

Жарлықасын Тиранада (Албания) өткен Әлем чемпионатында бейолимпиадалық салмақ дәрежелері бойынша финалға шығып, рейтингтің көшбасшысы атанды. Бұл жарыста ол 63 келіге дейінгі салмақ дәрежесінде алтынды әзірбайжандық Нихат Маммадалимен сарапөа салды, дегенмен қазақ балуаны қарсыласына жол беріп, күміс медаль иегері атанды.

Финалдағы сәтсіздікке қарамастан , Ержет 47 000 ұпай жинап, рейтингтің көшін бастаса, Маммадали 45 000 ұпаймен екінші орынды иеленді. Үшінші орында армениялық Карен Асланян 31 000 ұпаймен тұрақтады.