Қазақстан құрамасы командалық әлем чемпионатының плей-офф кезеңіне мерзімінен бұрын жолдама алды
Қазақстан құрамасы әлем чемпионатының плей-офф кезеңінде
Басқа спорт түрлері
Аружан Темірбек
Редактор
ФОТО: fide
Испанияның Линарес қаласында өтіп жатқан әлемдік командалық чемпионатта Қазақстанның әйелдер құрамасы плей-офф кезеңіне мерзімінен бұрын шықты. Топтық кезеңнің аяқталуына бір тур қалғанда отандастарымыз кемінде үшінші орынды қамтамасыз етіп, медаль үшін күресті жалғастыру құқығын алдын ала жеңіп алды.
Қазақстан құрамасы турнир барысында жоғары деңгейде өнер көрсетті: Испанияны - 2,5:1,5, Перуді - 3:1, Әзербайжанды - 2,5:1,5 есебімен жеңіп, топтық кестеде екінші орынға бекіді. FIDE (Ресей) командасынан болған жалғыз жеңіліс жалпы жағдайға әсер еткен жоқ - шахматшыларымыз сенімді түрде ширек финалға шықты.
Соңғы турда Қазақстан құрамасы АҚШ командасымен кездеседі. Бұл матч топтағы соңғы орындарды нақты айқындайды.