Қазақстан дзюдо федерациясының президенті ұлттық құрама дзюдошыларымен кездесті
Басқа спорт түрлері
Наурызбай Қанатұлы
Фото: olimpic.kz
Қазақстан дзюдо федерациясының президенті Қуанышбек Есекеев Қазақстан ұлттық құрама дзюдошыларымен кездесті. Бұл жөнінде Қазақстан дзюдо федерациясы хабарлады.
Дзюдодан Қазақстан Ұлттық құрама командасы Астанада Жақсылық Үшкемпіров атындағы жекпе-жек сарайында Азия чемпионаты қарсаңында оқу-жаттығу жиынын өткізіп жатыр.
Қазақстан дзюдо федерациясының президенті Қуанышбек Есекеев Азия чемпионатына дайындық барысымен танысты. Сондай-ақ, кездесуге Халықаралық дзюдо федерациясының президентінің кеңесшісі Алмаз Әлсенов қатысты.
Жаттығу аясында Федерация президенті құрама бапкерлері мен спортшыларының ұсыныс-тілегін тыңдап, Азия чемпионатына сәттілік тіледі.