Астанада Қазақстанның оқ атудан чемпиондары анықталды
Астанада Қазақстанның оқ атудан қысқы чемпионаты мәресіне жетті.
Турнирді Жақсылық Үшкемпіров атындағы Жекпе-жек сарайы қабылдап, елдің үздік мергендері ұлттық біріншілік медальдары үшін бақ сынады.
Ерлер арасында классикалық садақ атудан жеңіс Ілфат Абдуллинге бұйырды. Күміс жүлдені Александр Еременко иеленсе, қола медаль Алихан Мустафинге тиді. Әйелдер арасында бұл сында чемпион атанған — Мадина Заемова, екінші орынды Самира Жұмағұлова, үшінші орынды Александра Воропаева еншіледі.
Блочтық садақ атудан ерлер арасында бірінші орынға Андрей Тютюн шықты. Екінші болып Егор Поляков мәреге жетсе, жүлдегерлер үштігін Ақбаралы Карабаев түйіндеді. Әйелдер арасында алтын медальды Эльмира Раисова жеңіп алды, күміс — Виктория Лянға, қола — Диана Юнусоваға бұйырды.
9 желтоқсанда дарынды қазақстандық қыз Сауд Арабиясында алтын медальді жеңіп алды.