Астана ауыр атлетикадан жасөспірімдер және жастар арасындағы Азия чемпионатын қабылдайды
U-17 және U-20 жас санаттарында 27 елден келген 450-ден астам спортшы жүлделерді сарапқа салады
Басқа спорт түрлері
Арсен Алиев
Редактор
ФОТО: Getty Images
4–10 шілде аралығында еліміздің бас қаласы Астанада ауыр атлетикадан жасөспірімдер және жастар арасындағы Азия чемпионаты өтеді.
Ауыр атлетика федерациясының баспасөз қызметінің хабарлауынша, байрақты бәсекеге 27 мемлекеттен 450-ден астам спортшы қатысады.
Жарысқа 17 жасқа дейінгі (U-17) және 20 жасқа дейінгі (U-20) атлеттер қатысады. Қазақстан намысын турнирде 36 жас штангашы қорғайды. Ұлттық құраманың нақты құрамы жақын күндері жарияланады.
Чемпионат Астанадағы Qazaqstan жеңіл атлетикалық спорт кешенінде өтеді. Жарыста жоғары деңгейдегі тартысты бәсеке күтіледі.