Абайдың 180 жылдығына арналған қазақ күресінен ҚР кубогі: Командалық есепте кім үздік болды?
Семейде өткен айтулы жарыста 400-ге жуық балуан күш сынасты
Басқа спорт түрлері
Темірбеков Самрат
Журналист
ФОТО:qazaqkuresi.kz
Семей қаласында қазақтың ұлы ойшылы Абай Құнанбайұлының 180 жылдығына арналған қазақ күресінен ересектер арасындағы Қазақстан Республикасының кубогі өтті.
Ауқымды жарысқа еліміздің 19 облысынан келген 400-ге жуық балуан қатысып, 8 салмақ дәрежесінде бақ сынады.
Жекелей белдесулер үш күнге созылды. Бәсеке барысында ұлттық құраманың белді мүшелері мен халықаралық аренада атой салып жүрген саңлақтар да бозкілемге шықты.
Командалық есепте Шымкент өңірінің балуандары топ жарса, Абай облысы күміс жүлдеге қол жеткізді. Ал Астана мен Алматы қалаларының спортшылары қола жүлдені еншіледі.