Видео. Жекпе-жекке жұдырық та, рух та дайын: Асу Алмабаевтың Әбу-Дабидегі айқас алдындағы дайындығы
Қазақстандық UFC спортшысы Асу Алмабаев әлемнің ең беделді октагонындағы алтыншы жекпе-жегіне тыңғылықты дайындалып жатыр. 26-нан 27 шілдеге қараған түні ол UFC on ABC 9 турнирі аясында перулік Хосе Очоамен Әбу-Дабиде кездеседі.
Шешуші жекпе-жек қарсаңында Асу командасы соңғы дайындық сәттерінен көріністермен бөлісті: қолды байлау, ішкі тыныштық, шынайы зейін мен сенімділік - бәрі де нағыз кәсіпқойлықты аңғартады.
Наурыздағы сәтсіздіктен кейін Алмабаев бұл жолы жекпе-жекке барынша дайын күйде келіп отыр. Қателіктерден сабақ алып, кемшіліктермен жұмыс істеген. Оның бұрышында – жеңілістің дәмін татып көрмеген Шавкат Рахмонов пен тәжірибелі бапкер Эдуард Базров. Мұндай команда мен кек алу рухы бұл жекпе-жекті мансаптық тұрғыда шешуші сәтке айналдырып отыр.
Алмабаевтың айқасы Астана уақытымен шамамен 00:30-да басталады. Жекпе-жекке тікелей көрсетілім.