Усман ықтимал қарсыластарды атады: Шавкат Рахмонов - басты үміткерлердің қатарында
Хоакин Баклиді жеңіп, жарқын жеңіспен октагонға оралған Камару Усман баспасөз мәслихатында тек жекпе-жекке емес, UFC-дің жартылай орта салмағындағы болашақ айқастарға да тоқталды. Бұрынғы чемпион жеңіске қайта оралып қана қоймай, дивизиондағы ықтимал кездесулер туралы өз пікірін білдірді.
Усманның айтуынша, жақын арада келесі тартысты жекпе-жектер өтуі мүмкін:
• Хоакин Бакли — Иэн Гэрри немесе Карлос Пратес,
• Шон Брэди — Шавкат Рахмонов,
• Камару Усман — Ислам Махачев пен Джек Делла Маддалена арасындағы жекпе-жектің жеңімпазымен.
Бұл қатарда ерекше назар Қазақстанның мақтанышы Шавкат Рахмоновқа аударылды. Қазір ол жартылай орта салмақтың рейтингісінде 3-орында тұр және UFC-дегі ең қауіпті әрі көрермендер сүйіктісі саналатын файтерлердің бірі.
2024 жылдың желтоқсанында Рахмонов UFC 310 турнирінде Иэн Гэрриді төрешілер шешімімен жеңіп, мансабындағы 19-жеңісіне қол жеткізді.