UFC чемпионы Махачев алғаш рет Шавкат Рахмоновпен жекпе-жек туралы пікір білдірді
UFC-дің жартылай орта салмақтағы чемпионы, ресейлік Ислам Махачев Қазақстан атынан өнер көрсететін Шавкат Рахмоновпен мүмкін болатын жекпе-жек туралы пікір білдірді.
— Оқырмандар сені ең қауіпті қарсыластарыңның бірі ретінде Шавкат Рахмоновты көреді…
— Егер Шавкат қайтып келсе, қазір оған бірден белбеу үшін жекпе-жек береді деп ойламаймын. Егер маған оны қарсылас етіп қойса, мен үшін ешқандай мәселе жоқ. Бірақ адам бір жылдан астам уақыттан бері жекпе-жек өткізген жоқ, сондықтан белбеу үшін шығу үшін әуелі бір жеңіс керек деп ойлаймын, — деді Махачев «Ушатайка» YouTube арнасына берген сұхбатында.
Сондай-ақ, Исламға UFC-дің 2026 жылдың қаңтарында ұсынған қарсыласы туралы сұрақ қойылды.
— Айтпақшы, қаңтарда кімге қарсы жекпе-жек ұсынды?
— Маған есімін айтпады, бірақ шын айтсам, Моралеске қарсы шығар деп ойлаймын. Есімін нақты айтқан жоқ, тек қаңтарда жұдырықтасасың ба, жоқ па деп сұрады.
— Сонда Камару Усман емес пе?
— Олай деп ойламаймын. Бұл менің болжамым. Дәл білмеймін. Менеджерім де нақты білмейді, — деп қосты Махачев.
16 желтоқсанда Қазақстандық UFC файтері Шавкат Рахмонов жартылай орта салмақ рейтингінде өз орнын жақсартты.