UFC Асу Алмабаевтың жекпе-жегін ресми түрде растады. Қазақстандық файтер октоганға шілдеде оралады
ФОТО: Getty images
13 мамыр күні UFC ұйымы қазақстандық файтер Асу Алмабаев (21-3) пен өзбекстандық Рамазан Темировтің (19-3) арасындағы жекпе-жекті ресми түрде растады. Кездесу 26 шілде күні Абу-Дабиде өтетін UFC on ABC 9 турнирінің аясында ұйымдастырылады.
Бұл Алмабаев үшін UFC аясындағы алтыншы жекпе-жек болмақ. Ол бұған дейінгі бес кездесуінің төртеуінде жеңіске жетіп, бір рет жеңілген. Соңғы рет Асу 2 наурызда Манел Капемен жекпе-жек өткізіп, үшінші раундта техникалық нокаутпен жеңіліс тапқан болатын, бұл оның UFC-дегі алғашқы жеңілісі ретінде тіркелді.
Жаңартылған UFC рейтингінде Асу Алмабаев жеңіл салмақта сегізінші орында тұр. Ал оның қарсыласы Рамазан Темиров - 13-сатыда. Бұл жекпе-жек титулға үміткерлер қатарын анықтауда маңызды рөл атқаруы мүмкін.