Титулды алғаш қорғау. Жұмағұлов келесі қарсыласын және жекпе-жек күнін атады
Қазақстандық аралас жекпе-жек шебері Жалғас Жұмағұлов (18-9) өзінің келесі қарсыласын, жекпе-жек өтетін күн мен орнын атады, деп хабарлайды SPORT+.
37 жастағы қазақстандық Oktagon MMA лигасында жеңіл салмақтағы чемпиондық белдігін қорғау үшін чехиялық Давид Дворжакпен (22-6) кездеседі. Жекпе-жек 28 желтоқсанға жоспарланған және Чехия астанасы Прагада өтеді. Алайда, жекпе-жекке арналған келісімшарт әлі де қол қойылған жоқ.
«Жайлап дайындықты бастаймыз... Келісімшартқа әлі қол қойған жоқпын, бірақ маған күнін айтып қойды. Қарсылас та белгілі — Давид Дворжак. 28 желтоқсан. Турнир Прагада өтеді. Алғашқы дайындықты, мүмкін, Ақтөбеде өткіземін, алдын ала лагерьге Америкаға барамын, әрі қарай сол жақтан жекпе-жекке шығамын, иншаАллах», — деді Жұмағұлов.
Бұған дейін Хамзат Чимаев UFC-дің Ақ үйдегі тарихи турниріне қатысуы мүмкін екенін меңзеген болатын.