Темірдей Мераб тағы да жеңілмеді: Двалишвили Сэндхагенді жеңіп, UFC 320-де белбеуін қорғап қалды
5 қазан күні Лас-Вегастың әйгілі T-Mobile Arena алаңында аралас жекпе-жек әлеміндегі үлкен оқиға — UFC 320 турнирі өтті.
Кештің қосалқы басты жекпе-жегінде жеңіл салмақтағы қазіргі чемпион Мераб Двалишвили (Грузия) мен рейтингтің төртінші сатысындағы америкалық Кори Сэндхаген октагонға көтерілді.
Бес раундқа созылған тартысты айқас жоғары қарқынмен өтті. Екі спортшы да бар күшін салды, алайда Двалишвили өз тактикасын сәтті жүзеге асырып, төрешілердің сеніміне ие болды. Нәтижесінде ол бір ауыздан қабылданған шешіммен (49–45, 49–45, 45–46) жеңіске жетіп, UFC чемпионы атағын қорғады.
Бұл жеңіс Мерабтың қатарынан 14-ші жеңісі болды. Қазір оның кәсіби рекорды — 20 жеңіс және 4 жеңіліс. Ал Кори Сэндхаген үшін бұл — 18 жеңіс пен 6 жеңілістен тұратын көрсеткіш.
Кештің басты жекпе-жегі де аса қызықты болмақ — жанкүйерлер жартылай ауыр салмақтағы титулдық реваншты күтуде. Онда қазіргі чемпион Магомед Анкалаев пен екі салмақ дәрежесінде белбеу иеленген Алекс Перейра (Бразилия) күш сынасады.
Сондай-ақ Прохазка Раунтриді нокаутқа жіберді.