«Нағыз үміткердің кім екенін білесің». Шавкат Рахмонов жекпе-жектен кейін Гэрриге қатаң үн қатты
Шавхат Рахмонов Иэн Гэрридің жеңісіне қатысты пікір білдірді
ФОТО: Getty images
UFC Fight Night 265 турнирінде Иэн Гэрридің Белал Мухаммадты айқын басымдықпен жеңуінен кейін жартылай орта салмақтағы басты үміткерлердің бірі – Шавхат Рахмонов үнсіз қала алмады. Қазақстандық файтер ирландиялық спортшыға қысқа болса да, мағынасы терең құттықтау жолдады.
«Сені көргеніме қуаныштымын, жеңісіңмен құттықтаймын. Нағыз үміткердің кім екенін өзің білесің», – деп жазды Рахмонов.
Гэрриден де жауап ұзақ күттірмеді.
«Әрқашан құрметтеймін».
Бұл жеңіс Иэн Гэрридің мансабындағы ең маңызды сәттердің бірі болды: ол бұрынғы титулға үміткерді соққы алмасуда толық басымдықпен ұтып, бірде-бір рет аударуға мүмкіндік бермей, төрешілер шешімін өз пайдасына жаздырды.