ММА аңызы Жозе Альдо UFC 315 турнирінен кейін спорттық мансабын аяқтады
Монреаль қаласында өткен UFC 315 турнирінде әйгілі бразилиялық файтер Жозе Альдо октагонға қайта оралды.
38 жастағы экс-чемпион жартылай жеңіл салмақта (66 кг дейін) 37 жастағы канадалық Эйеманн Захабимен кездесті.
Үш раундқа созылған жекпе-жек нәтижесінде Захаби төрешілердің бірауыздан шығарған шешімімен жеңіске жетті. Бұл оның кәсіби мансабындағы 15-жеңісі болды (15-2), ал Альдоның көрсеткіші 32 жеңіс және 11 жеңіліс болып өзгерді.
Турнирдің басты оқиғасы – жартылай орта салмақтағы чемпиондық белбеу үшін кездесу. Қазіргі чемпион, америкалық Белал Мұхаммед (24-3) алғашқы титулдық қорғанысын австралиялық Джек Делла Маддаленаға (17-2) қарсы өткізеді.
Жекпе-жектен кейін Жозе Альдо кәсіби мансабын аяқтайтынын ресми түрде жариялады. Ол ММА-дегі жолын 2004 жылы бастаған, ал UFC-де алғаш рет 2011 жылы өнер көрсетті. Альдо – жартылай жеңіл салмақта UFC чемпионы болған және ұйымның Даңқ залына енген спортшы.