Мұхаммад Мокаев Дубайда өткен Karate Combat 54 турнирінде Болат Заманбековті нокаутқа түсірді
ФОТО: Getty Images
Дубайда (БАӘ) өткен Karate Combat 54 турнирінің екінші басты жекпе-жегінде Қазақстандық спортшы Болат Заманбеков пен Ұлыбритания өкілі Мұхаммад Мокаев кездескен болатын.
Жекпе-жек жеңіл салмақта толықконтактты каратэ ережесімен өттіп, үш раундқа жоспарланған. Алайда айқас мерзімінен бұрын аяқталып, Мокаев екінші раундта техникалық нокаутпен жеңіске жетті.
Жекпе-жек өнерінің аралас түрі – ММА-дегі көрсеткіштеріне келсек, Мохаммад Мокаев осы күнге дейін бірде-бір рет жеңілмеген – оның рекорды 14 жеңіс пен 0 жеңіліс. Ал Болат Заманбековтің кәсіби статистикасы – 8 жеңіс және 3 жеңіліс. Бұған қоса, Мокаев бұған дейін UFC ұйымында өнер көрсетіп, танымалдылыққа ие болған еді, бірақ кейінірек дау-дамайға байланысты бұл промоушннен кеткен.