Мераб Двалишвили жарақат алса да, Умар Нұрмагомедовпен өтетін титулдық жекпе-жекке дайын
UFC-дің жеңіл салмақтағы чемпионы Мераб Двалишвили Умар Нурмагомедовпен жекпе-жекке дайындық кезінде ауыр жарақат алды. Дегенмен, Fighttime.ru хабарлауынша, грузин спортшысы бұл жағдайдың жекпе-жекке әсер етпейтінін мәлімдеді.
Лос-Анджелестегі журналистермен кездесуінде Двалишвили өз пікірін білдірді:
"Бұл жекпе-жекке әсер етпейді, бірақ дайындығыма біраз қиындық туғызды. Жаттығулар қиын болды, алайда мен өзімді жақсы сезінемін және толық дайынмын," – деді спортшы.
Көп ұзамай әлеуметтік желілерде спортшының оң аяғындағы терең жарақаты бар бейнежазба пайда болды. Жараға тігілген тігістердің жақында салынғаны байқалады. Соған қарамастан, чемпионның дайындықты жалғастырып жатқанын оның ресми фотосессияға қатысуы дәлелдейді.
Еске сала кетсек, Двалишвили мен Нурмагомедов арасындағы титулдық жекпе-жек UFC 311 турнирінің басты оқиғаларының бірі болмақ. Бұл турнир 18 қаңтарда Лос-Анджелесте өтеді және әлемдегі ең беделді ұйымның биылғы алғашқы нөмірлі шарасы болады.