«Мен үздік екенімді дәлелдей алмадым». Евлоев UFC 333 турнирінде мансабындағы алғашқы жеңілістен кейін мәлімдеме жасады
Ресейлік файтер Мовсар Евлоев UFC 333 турниріндегі титулдық жекпе-жекте австралиялық Александр Волкановскиден жеңілгеніне пікір білдірді, деп хабарлайды Sports24.kz.
Абу-Дабиде өткен турнирдің басты жекпе-жегінде 32 жастағы ресейлік файтер жартылай жеңіл салмақ дәрежесінің қазіргі чемпионына екінші раундта техникалық нокаутпен есе жіберді.
Жекпе-жек аяқталғаннан кейін Евлоев қарсыласының басымдығын мойындап, 38 жастағы австралиялықтың шеберлігін жоғары бағалады.
«Бұл сұмдық жекпе-жек болды. Волкановски жақсы шарап сияқты: жасы ұлғайған сайын одан сайын жақсара түседі. Ол — нағыз аңыз. Мен үздік екенімді дәлелдей алмадым. Әзірге. Бәлкім, біз тағы бір рет кездесіп көрерміз. Үйге оралып, демалып, жарақаттарымнан айығуым керек. Алекс — ұлы чемпион. Онымен октагонда жекпе-жек өткізгеніме қуаныштымын. Мұндай мықты файтерден жеңілген әлдеқайда жақсы», — деді Евлоев жекпе-жектен кейін.
Айта кетейік, бұл жеңіліс ресейлік файтердің кәсіби мансабындағы алғашқы сәтсіздік болды. Волкановскимен кездескенге дейін Евлоев қатарынан 20 жеңіске жетіп, оның ішінде UFC ұйымында он жекпе-жек өткізген.
Ал австралиялық файтер жартылай жеңіл салмақтағы чемпиондық белбеуін қорғап, кәсіби рекордын 29 жеңіс пен төрт жеңіліске жеткізді.
