Дамир Исмағұлов октагонға оралады: Алан Патрикпен жекпе-жек 27 мамырда Астанада өтеді
Қазақстандық аралас жекпе-жек шебері Дамир Исмағұлов 27 мамыр күні елорда – Астанада өтетін Alash Pride FC 108 турнирінде октагонға қайта оралады.
Бұл туралы отандық Alash Pride промоушні Instagram парақшасында ресми түрде хабарлады.
Исмағұловтың қарсыласы – UFC турнирлерінде өнер көрсеткен тәжірибелі бразилиялық файтер Алан Патрик болмақ. Бұл жекпе-жек жанкүйерлер үшін ерекше қызықты болары сөзсіз.
Айта кетейік, Дамир Исмағұлов соңғы рет 2024 жылдың қыркүйек айында Alash Pride турнирінде өнер көрсетіп, бразилиялық Обердан Тенорионы техникалық нокаутпен жеңген болатын.
Ал Алан Патрик кәсіби мансабында 19 жекпе-жек өткізіп, оның 15-ін жеңіспен аяқтаған. Соңғы рет UFC октагонында 2022 жылы бой көрсетіп, америкалық Майкл Джонсонды нокаутқа жіберген.
Бұл – әлемдік деңгейдегі екі бұрынғы UFC жауынгері арасындағы тартысты әрі әсерлі жекпе-жек болғалы тұр.
Футбол
Бүгін 11:14
