Бекзат Алмахан Дохада сәтсіздікке ұшырады: Топурия айқын басымдықпен жеңді
Казақстандық октагон жауынгері Бекзат Алмахан (12–3) жылды жеңіспен аяқтай алмады - Дохада өткен UFC Fight Night 265 турнирінде ол грузин спортшысы Александр Топурияға (7–1) жол берді. Үш раундқа созылған тартысты кездесуден кейін қазылар бірауыздан жеңісті қарсыласына берді.
Алмахан белсенді әрекет етіп, қарсыласына қысым жасауға тырысты, бірнеше эпизодта қашықтықты сәтті қысқартып, соққы алмасуда өзін жақсы көрсетті. Алайда Топурия тактикалық тұрғыдан дәлірек, жылдамырақ қимылдап, клинчтегі жағдайларды толық бақылауда ұстады. Жұмыс қарқыны мен дәлдігі грузин спортшысына басымдық сыйлап, барлық төрешінің шешімімен жеңіске жеткізді. Бұл - Бекзат үшін промоушендегі соңғы үш жекпе-жектің екінші жеңілісі. Енді ол осы қолайсыз серияны үзуге бар күшін салмақ.
Айта кетейік, бұған дейін Алмахан жұртты таңғалдырған болатын: ол канадалық Брэд Катонаны небәрі 64 секундта нокаутқа түсіріп, өзінің ең жарқын жеңістерінің бірін тіркеген еді. Алайда Дохада сол қарқынмен жалғастырудың сәті түспеді.