«Вашингтон Кэпиталз» екі жаңа ойыншымен күшейді: NCAA-ның үздік сұрмергені мен болашағынан үміт күттіретін қорғаушы
Хоккей
Арсен Алиев
Редактор
ФОТО: Getty Images
ҰХЛ-дің «Вашингтон Кэпиталз» клубы екі жас ойыншымен келісімшарт жасасқанын ресми түрде жариялады.
Команданың құрамын америкалық шабуылшы Райан Леонард пен канадалық қорғаушы Дэвид Гуччиарди толықтырды.
Леонард үш жылдық келісімшартқа қол қойды. Ол қазіргі NCAA маусымында ең нәтижелі сұрмерген атанып, 37 матчта 49 ұпай (30+19) жинады. Шабуылшыны «Кэпиталз» 2023 жылғы НХЛ драфтында таңдаған, ал 2025 жылы жасөспірімдер арасындағы әлем чемпионатының ең құнды ойыншысы (MVP) атанды.
Гуччиарди екі жылдық келісімшартқа отырды. «Мичиган Стэйт Спартанс» командасында ойнаған қорғаушыны «Вашингтон» 2022 жылғы драфттың 213-ші таңдауымен қатарға қосқан. Жақын арада ол «Кэпиталз» фарм-клубы – «Херши Беарс» сапына қосылады деп күтілуде.