«Төзімділік керек болды»: Галимов «Динамоға» қарсы ауыр жеңіс туралы
«Барыс» шабуылшысы Эмиль Галимов КХЛ-дың 2025/26 маусымындағы тұрақты чемпионат аясында Мәскеудің «Динамосын» сырт алаңда 4:2 есебімен жеңген ойынға пікір білдірді.
33 жастағы хоккейшінің айтуынша, жеңістің басты кілті – бапкерлердің нұсқауларын қатаң орындау мен қорғаныстағы тәртіп болған.
«Біз бапкерлер штабының жоспарын айқын орындадық. Өз мүмкіндіктерімізді жүзеге асыра алдық, кейін шайбасыз ойында дұрыс әрекет еттік. Ойын жабық форматта өтті, әсіресе сырт алаңда. Соңында төзім танытуға тура келді, бірақ біз қажетті есепті ұстап, жеңіске жеттік», – деді Галимов.
Шабуылшы «Динамоға» қарсы ойында оңай болмағанын атап өтті:
«Оларда мықты құрам жасақталған, шайбаны тамаша ұстайтын техникалық ойыншылар көп. Сондықтан ойын өте ауыр тиді».
Сондай-ақ, Ғалимов желтоқсандағы команданың нәтижелері туралы да пікір білдірді. Бұл айда «Барыс» «Спартак», «Автомобилист» және «Динамоны» жеңіп, екі рет «Сібірге» есе жіберді. Неліктен кейде көшбасшыларға қарсы ойнау оңайырақ деген сұраққа жауап беріп, шабуылшы ұжымдық ойындағы алға жылжуды атап өтті.
«Соңғы уақытта өз стилімізді тапқан сияқтымыз және жоғары қарқын ұстауға тырысамыз. Соңғы төрт ойында бар болғаны бір ұпай жоғалттық. Ең маңыздысы – бапкердің талаптарын орындап, тұрақтылықты сақтау, сол кезде нәтиже келеді», – деді хоккейші Legalbet.kz сайтына берген сұхбатында.
37 ойыннан кейін «Барыс» КХЛ-дың Шығыс конференциясында 34 ұпаймен сегізінші орында тұр. Биылғы маусымда Эмиль Галимов астаналық клуб сапында 23 матч өткізіп, екі гол және сегіз нәтижелі паспен 10 ұпай жинады.
Сондай-ақ Кравец «Барыстың» маусымдағы екінші мәрте Мәскеудің «Динамосын» жеңуінің факторларын атады.