Өткен маусымда соңғы орындардың бірін иеленген «Кулагер» аренда арқылы күшейіп жатыр
Өткен маусымда Pro Hokei Ligasy чемпионатында 11 команданың ішінде 10-орын алған «Кулагер» алдағы маусымға дайындықты бастады.
Петропавлдық ұжым үш бірдей ойыншыны арендаға алды: қақпашылар Антон Осокин мен Богдан Гиганов және қорғаушы Руслан Габазов.
Антон Осокин өткен маусымды «Алматы» клубында өткізді. Маусым барысында оның сенімділік коэффициенті – 2,74, ал шайбаны қайтару көрсеткіші – 92,5% болды. Плей-оффта бұл көрсеткіштер айтарлықтай жақсарды: 2,25 КН және 94,2% сейв.
Богдан Гиганов маусымның басым бөлігін «Кулагер» сапында JastarLigasy турнирінде өткізді. Онда оның көрсеткіштері – 87,2% қайтару және 4,83 КН. 19 жастағы қақпашы сондай-ақ негізгі командада да ел чемпионатында дебют жасады.
Қорғаушы Руслан Габазов өткен маусымда «Горняк» сапында ойнады. Ол 37 ойында (оның ішінде плей-оффта) 4 (3+1) ұпай жинады.
Еске салайық, «Кулагер» 2024/2025 жылғы маусымда плей-офф кезеңіне өте алмай, турнир кестесінде соңғы орындардың бірін иеленді.
Қазақстан чемпионатының үздік қорғаушысы «Торпедоға» ауысты