Симонов «Барыста» қазақстандықтардың легионерлермен қалай тіл табысатынын айтып берді
«Барыс» шабуылшысы Семен Симонов команда киім ауыстыратын бөлмесіндегі атмосфера және қазақстандық хоккейшілердің легионерлермен қарым-қатынасы туралы айтып берді, деп хабарлайды Sports24.kz Матч ТВ телеарнасына сілтеме жасап.
19 жастағы форвардтың айтуынша, шетелдік ойыншылар ұжымға бейімделіп үлгерген. Симонов «Барыстың» басты артықшылықтарының бірі командадағы жағымды атмосфера екенін атап өтті.
«Барыс» 12 матчтан кейін 14 ұпай жинап, ҚХЛ-дың Шығыс конференциясында төртінші орында тұр. Қазақстандық клуб 47 шайба соқты — бұл лигадағы үздік көрсеткіш.
- Дәстүр бойынша «Барыс» сапында легионерлер көп ойнайды. Шетелдік ойыншылармен ортақ тіл табыса алдыңыздар ма? Сіздер жас болсаңыздар да, Пилон немесе Дэй мен Бэйли сіздерді солтүстікамерикалық ерекшеліктерге үйрете бастаған жоқ па?
- Қазір бір-бірімізбен жақсы байланыс орнаттық. Бізде олармен күн сайын көңілді оқиғалар болып жатады. Легионерлеріміз өте позитивті жігіттер, біздің тараптан да, жергілікті ойыншылар жағынан да жақсы көңіл күй бар. Біртұтас команда болуға барынша тырысып жүрміз. Жігіттер ҚХЛ-да алғаш рет ойнап жатыр, сондықтан оларға бір нәрселерді түсіндіруге тырысамыз. Қалай болғанда да, біздің күшіміз — киім ауыстыратын бөлмеде күн сайын жағымды атмосфераның қалыптасуында. Барлық қиындықтарға қарамастан, осы ахуалды сақтауға тырысамыз, — деді Симонов.
