Петерис Скудра «Құлагерге» оралуы мүмкін: рекордтық бюджет аясындағы келіссөздер
Латвиялық жаттықтырушы Петерис Скудра Петропавлдық «Құлагер» хоккей клубының бас бапкері қызметіне қайта келуі мүмкін.
Бұл туралы «Головой об лед» Telegram-арнасы хабарлады.
Дереккөздің мәліметінше, клуб басшылығы Скудрамен келіссөздерді 3,66 миллиард теңге көлеміндегі үш маусымға арналған қомақты бюджет бекітілген сәттен бастап жүргізіп келеді.
Алайда белсенді келіссөздерге қарамастан, Скудраның лигаға оралу ықтималдығы өте төмен деп бағалануда. Себебі - жаттықтырушының құрамға қоятын талаптарының жоғары болуы. Петерис әрдайым ойынды амбициясы зор, төзімді және шеберлігі жоғары хоккейшілерге сүйеніп құруды жөн көреді.
Бұрынғы НХЛ қақпашысы және «Северсталь» клубының экс-бапкері Скудра 2022/23 маусымында «Құлагерді» жаттықтырған болатын. Ендігі оралуы тек бюджетке ғана емес, клубтың нақты құрамына және спорттық мақсаттарына байланысты болмақ.